കോഴിക്കോട്: കോഴിക്കോട് വട്ടക്കിണർ തളിയാടത്ത് കർപ്പൂരാഴി മഹോത്സവം നടന്നു. തളിയാടത്ത് ഭഗവതി ക്ഷേത്ര പരിസരത്ത് വെച്ച് 16-ാമത് കർപ്പൂരാഴി മഹോത്സവമാണ് ശ്രീ മണികണ്ഠ അയ്യപ്പ ഭക്തസമിതിയുടെ നേതൃത്വത്തിൽ അതിവിപുലമായ ചടങ്ങുകളോടെ കഴിഞ്ഞ ദിവസം നടന്നത്. പുലർച്ചെ ഗണപതിഹോമത്തോടെ ആരംഭിച്ച ചടങ്ങുകളിൽ തുടർന്ന് ഭജനയും, അയ്യപ്പ നാമജപവും നടന്നു. ഉച്ചക്ക് അന്നദാനവും, വൈകുന്നേരം ചെണ്ട വാദ്യമേളങ്ങളുടെയും, ദേവ നൃത്തത്തിന്റെയും, താലപ്പൊലിയുടെയും അകമ്പടിയോടെ തളിയാടത്ത് ഭഗവതി ക്ഷേത്ര സന്നിധിയിലേക്ക് കർപ്പൂരാഴി എഴുന്നള്ളത്ത് നടന്നു.