മലപ്പുറം: ഭാരതത്തിന്റെ എഴുപത്തിയേഴാമത് റിപ്പബ്ലിക് ദിനം മൂർക്കനാട് ഗവൺമെന്റ് യു.പി. സ്കൂളിൽ വിപുലമായ പരിപാടികളോടെ ആഘോഷിച്ചു. സ്കൂൾ സ്റ്റാഫ് സെക്രട്ടറി കെ.കെ. നാരായണൻ മാസ്റ്റർ ദേശീയ പതാക ഉയർത്തി ചടങ്ങുകൾക്ക് തുടക്കം കുറിച്ചു.
തുടർന്ന് നടന്ന ചടങ്ങിൽ എസ്.ആർ.ജി കൺവീനർ എം. മുഹമ്മദ് ഷിഹാബ്, രക്ഷാകർതൃ സമിതി അംഗങ്ങളായ പി. ഖലീൽ, കെ. ഷിഹാബ്, കെ. സാജിത, കെ. സുനീറ, വിദ്യാർത്ഥി പ്രതിനിധി എം. അമൽ ഇബ്രാഹിം, അധ്യാപിക കെ. ദിവ്യ തുടങ്ങിയവർ റിപ്പബ്ലിക് ദിന സന്ദേശങ്ങൾ നൽകി. ഭരണഘടനയുടെ പ്രാധാന്യത്തെക്കുറിച്ചും രാജ്യത്തിന്റെ ജനാധിപത്യ മൂല്യങ്ങളെക്കുറിച്ചും പ്രസംഗകർ സംസാരിച്ചു.
ആഘോഷങ്ങളുടെ ഭാഗമായി വിദ്യാർത്ഥികളുടെ ദേശഭക്തി ഗാനാലാപനം, റിപ്പബ്ലിക് ദിന ചരിത്രം വ്യക്തമാക്കുന്ന ഡോക്യുമെന്ററി പ്രദർശനം എന്നിവയും സംഘടിപ്പിച്ചു. പരിപാടിയിൽ പങ്കെടുത്തവർക്കായി മധുരവിതരണവും നടന്നു.
അധ്യാപകരായ പി. രശ്മി, കെ. റിയ, കെ. റൈഹാനത്ത്, പി. റിഷ തസ്നി, എം. മനോജ്, അധ്യാപക വിദ്യാർത്ഥികളായ കെ. ഷംന, കെ. ഹന്ന തുടങ്ങിയവർ പരിപാടികൾക്ക് നേതൃത്വം നൽകി.
