ന്യൂഡൽഹി: ലഡാക്ക് പ്രക്ഷോഭത്തിന് നേതൃത്വം നൽകിയ സാമൂഹിക പ്രവർത്തകനും വിദ്യാഭ്യാസ വിദഗ്ധനുമായ സോനം വാങ്ചുക്കിനെ തടങ്കലിൽ നിന്ന് മോചിപ്പിക്കാൻ തീരുമാനം. കേന്ദ്ര ആഭ്യന്തര മന്ത്രാലയമാണ് ഇദ്ദേഹത്തിന്റെ തടങ്കൽ ഉടൻ പിൻവലിക്കാൻ ഉത്തരവിട്ടത്.
ദേശീയ സുരക്ഷാ നിയമപ്രകാരം ലഭ്യമായ അധികാരങ്ങൾ വിനിയോഗിച്ചാണ് തടങ്കൽ പിൻവലിക്കുന്ന നടപടി സ്വീകരിച്ചതെന്ന് അധികൃതർ അറിയിച്ചു.
ലഡാക്കിന് സംസ്ഥാന പദവിയും ഭരണഘടനാപരമായ സംരക്ഷണവും ആവശ്യപ്പെട്ട് നടന്ന പ്രക്ഷോഭത്തിനിടെയാണ് സോനം വാങ്ചുക്ക് അറസ്റ്റിലായത്. രാജ്യദ്രോഹം ഉൾപ്പെടെയുള്ള കുറ്റങ്ങൾ ചുമത്തിയാണ് അദ്ദേഹത്തെ പിടികൂടിയത്.
ലഡാക്കിന് സംസ്ഥാന പദവി നൽകണമെന്നും പ്രദേശത്തിന് ഭരണഘടനാപരമായ പ്രത്യേക സംരക്ഷണം ഉറപ്പാക്കണമെന്നും ആവശ്യപ്പെട്ടുള്ള പ്രക്ഷോഭത്തിന് നേതൃത്വം നൽകിയ പ്രമുഖരിൽ ഒരാളാണ് സോനം വാങ്ചുക്ക്. സാമൂഹിക പ്രവർത്തകനായും വിദ്യാഭ്യാസ രംഗത്തെ നവോത്ഥാന പ്രവർത്തകനായും അദ്ദേഹം അറിയപ്പെടുന്ന വ്യക്തിയാണ്.
