കണ്ണൂർ: കൂത്തുപറമ്പ് ചെറുവാഞ്ചേരിയിൽ പൊലീസുകാരന്റെ വീടിന് നേരെ ബോംബ് ആക്രമണശ്രമം. കണ്ണവം പൊലീസ് സ്റ്റേഷനിലെ ഉദ്യോഗസ്ഥന്റെ വീട്ടിലായിരുന്നു സംഭവം നടന്നത്. ബൈക്കിൽ എത്തിയ രണ്ടംഗ സംഘമാണ് വീടിന് മുന്നിലേക്ക് ബോംബ് എറിഞ്ഞത്. എന്നാൽ ബോംബ് പൊട്ടിയില്ല. ബോംബ് എറിഞ്ഞതല്ല, വീടിന് മുന്നിൽ വെച്ച് പോയതാകാമെന്ന സംശയവും ഉയരുന്നുണ്ട്. സംഭവത്തിൽ കൂടുതൽ വിവരങ്ങൾ ഇതുവരെ പുറത്തുവന്നിട്ടില്ല. പൊലീസ് സ്ഥലത്തെത്തി പരിശോധന നടത്തുകയും കേസെടുത്ത് അന്വേഷണം ആരംഭിക്കുകയും ചെയ്തു.