കണ്ണൂര്: മുഖ്യമന്ത്രിയെ ആരും നേരത്തെ പ്രവചിക്കേണ്ടെന്ന് കെപിസിസി പ്രസിഡന്റ് സണ്ണി ജോസഫ്. ഇക്കാര്യം നേതാക്കള്ക്കും ബാധകമാണ്. അതിനൊക്കെ മുന്നണിയ്ക്കകത്ത് സംവിധാനമുണ്ട്. ഇതുകൂടി പരിഗണിച്ചാകും ഹൈക്കമാന്ഡ് തീരുമാനം എടുക്കുകയെന്ന് സണ്ണി ജോസഫ് പറഞ്ഞു.
രമേശ് ചെന്നിത്തല മുഖ്യമന്ത്രിയാകണമെന്ന് കെ സുധാകരന് പറഞ്ഞത് അദ്ദേഹത്തിന്റെ അഭിപ്രായമാണ്. ഹൈക്കമാന്ഡ് അതും പരിഗണിച്ചേക്കും. കോണ്ഗ്രസിനും യുഡിഎഫിനും ഭൂരിപക്ഷം കിട്ടിക്കഴിഞ്ഞാല്, കോണ്ഗ്രസ് എംഎല്എമാരുടെ അഭിപ്രായം കേട്ട് ഹൈക്കമാന്ഡ് ഉചിതമായ തീരുമാനം പ്രഖ്യാപിക്കും. അതിനിടയില് കയറി ആരും പ്രവചിക്കാന് നില്ക്കേണ്ടെന്ന് സണ്ണി ജോസഫ് പറഞ്ഞു.
