കൊളംബോ: ശ്രീലങ്കയെ ഞെട്ടിച്ച് വന് ലഹരി വേട്ട. കൊളംബോ ബന്ദാരനായകെ അന്താരാഷ്ട്ര വിമാനത്താവളത്തില് 110 കിലോഗ്രാം കഞ്ചാവുമായി 22 ബുദ്ധ സന്യാസിമാര് പിടിയിലായി. ലഗേജില് ഒളിപ്പിച്ച നിലയിലാണ് ലഹരി കണ്ടെത്തിയതെന്ന് പൊലീസ് പറഞ്ഞു. വിമാനത്താവളത്തിന്റെ ചരിത്രത്തിലെ ഏറ്റവും വലിയ മയക്കുമരുന്ന് വേട്ടയാണിത്. കോടതി സന്യാസിമാരെ മെയ് രണ്ട് വരെ കസ്റ്റഡിയില് വിട്ടു.
ശനിയാഴ്ചയാണ് സംഭവം നടന്നത്. തായ്ലന്ഡിലെ ബാങ്കോക്കില് നിന്ന് വന്നവരായിരുന്നു സന്യാസി സംഘം. കസ്റ്റംസ് ഉദ്യോഗസ്ഥരും പൊലീസ് നാര്ക്കോട്ടിക് ബ്യൂറോയും നടത്തിയ സംയുക്ത പരിശോധനയിലാണ് ‘കുഷ്’ ഇനത്തില്പെട്ട കഞ്ചാവും ഹാഷിഷും പിടിച്ചെടുത്തത്. സ്യൂട്ട്കേസുകളില് പ്രത്യേക അറകള് നിര്മ്മിച്ചാണ് ലഹരിമരുന്ന് ഒളിപ്പിച്ചിരുന്നത്. പിടിച്ചെടുത്ത മയക്കുമരുന്നുകള്ക്ക് 35 ലക്ഷം ഡോളര് വില വരും.
