പൃഥ്വിരാജ് സുകുമാരന്, പാര്വതി തിരുവോത്ത്, ഹക്കിം ഷാജഹാന് എന്നിവര് മുഖ്യ കഥാപാത്രങ്ങളായി എത്തുന്ന ‘ഐ നോബഡി’ എന്ന ചിത്രത്തിന്റെ ടീസര് പുറത്തിറങ്ങി. റോഷാക്കിന് ശേഷം നിസാം ബഷീര് സംവിധാനം ചെയ്യുന്ന ‘ഐ നോബഡി’ സുപ്രിയ മേനോനാണ് നിര്മ്മിക്കുന്നത്.
ബാങ്ക് മോഷണത്തെ ചുറ്റിപ്പറ്റി നടക്കുന്ന കഥയാണ് സിനിമയിലേതെന്നാണ് ടീസര് നല്കുന്ന സൂചന. എന്ന് നിന്റെ മൊയ്തീന്, കൂടെ തുടങ്ങിയ സൂപ്പര് ഹിറ്റുകള്ക്ക് ശേഷം പൃഥ്വിരാജും പാര്വതിയും വീണ്ടും ഒന്നിക്കുന്ന ചിത്രം എന്ന പ്രത്യേകത കൂടി ഇതിനുണ്ട്. ജേക്സ് ബിജോയാണ് സംഗീതം ഒരുക്കുന്നത്. ഈ വര്ഷം ജൂലൈ മാസത്തില് ആഗോള റിലീസായി ഐ നോബഡി തിയറ്ററുകളില് എത്തും.
അശോകന്, വിജയരാഘവന്, മധുപാല്, ശങ്കര് രാമകൃഷ്ണന്, നക്ഷത്ര, ഐറാ, നിഷാന്ത് സാഗര്, നന്ദു, നൗഷാദ് ബോംബെ, ജിജോയ് രാജഗോപാല്, ഖാലിദ് റഹ്മാന്, സഞ്ജു ശിവറാം, സുധി കോപ്പ, ബീന ചന്ദ്രന്, സന അല്താഫ് എന്നിവരും പ്രധാന വേഷങ്ങളിലെത്തുന്നു.
