മലപ്പുറം: പുളിക്കൽയിൽ ടെറസിൽ നിന്ന് വീണു കഴുത്തിൽ ഗേറ്റിന്റെ കമ്പി തുളച്ചു കയറി ഗുരുതരമായി പരിക്കേറ്റ 16 കാരൻ മരിച്ചു. പുളിക്കൽ സ്വദേശി മുഹമ്മദ് മാസിൻ ആണ് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചത്.

കഴിഞ്ഞ മാസം 31നാണ് അപകടം നടന്നത്. ടെറസിൽ മാങ്ങ പറിക്കുന്നതിനിടെ കാൽ വഴുതി വീഴുകയായിരുന്നു. വീഴ്ചയിൽ കുട്ടി ഗേറ്റിന്റെ കമ്പിയിലേക്ക് വീണതോടെ കമ്പി കഴുത്തിൽ തുളച്ചു കയറി ഗുരുതരമായി പരിക്കേറ്റു.

അപകടത്തെ തുടർന്ന് ഫയർ ഫോഴ്സ് എത്തി കമ്പി മുറിച്ചുമാറ്റിയ ശേഷം കുട്ടിയെ ആശുപത്രിയിൽ എത്തിക്കുകയും ശസ്ത്രക്രിയ നടത്തുകയും ചെയ്തിരുന്നു. തുടർന്ന് കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിൽ ആയിരുന്നു. എങ്കിലും ജീവൻ രക്ഷിക്കാനായില്ല. സംഭവം പ്രദേശത്ത് ദുഃഖം നിറച്ചിരിക്കുകയാണ്.