തിരുവനന്തപുരം: നിയമസഭയിലെ ചർച്ചകൾ സംബന്ധിച്ച മുഖ്യമന്ത്രിയുടെ പരാമർശത്തിൽ പ്രതികരണവുമായി സ്പീക്കർ തിരുവഞ്ചൂർ രാധാകൃഷ്ണൻ. നിയമസഭയിലെ പവർഫുൾ മൈക്കിലൂടെ ചില കാര്യങ്ങൾ കേട്ടതായി തോന്നിയിരിക്കാമെന്നും, എന്നാൽ രേഖകളിൽ വരുന്നത് മാത്രമാണ് പ്രാധാന്യമുള്ളതെന്നും അദ്ദേഹം പറഞ്ഞു.
“നിയമസഭയിലെ സീറ്റിൽ ഇരുന്ന് സംസാരിക്കുന്ന കാര്യങ്ങൾ മാത്രമാണ് ഔദ്യോഗിക രേഖകളിൽ ഉൾപ്പെടുന്നത്. മൈക്ക് ഓഫ് ആയ ശേഷം പറയുന്ന കാര്യങ്ങൾക്ക് രേഖാപ്രാധാന്യമില്ല,” എന്നും തിരുവഞ്ചൂർ വ്യക്തമാക്കി. മുഖ്യമന്ത്രിയുടെ വിശദീകരണത്തിന് പുറത്ത് കൂടുതൽ വിശദീകരണം ആവശ്യമില്ലെന്നും അദ്ദേഹം കൂട്ടിച്ചേർത്തു.
വിഴിഞ്ഞം തുറമുഖ ഓഹരി കൈമാറ്റ വിഷയത്തിൽ മുഖ്യമന്ത്രി നിയമസഭയിൽ കാര്യങ്ങൾ വ്യക്തമാക്കിയിട്ടുണ്ടെന്നും അദ്ദേഹം പറഞ്ഞു. സംസ്ഥാനവും കേന്ദ്രവും തമ്മിലുള്ള കാര്യങ്ങൾ നിയമപരമായ നിബന്ധനകൾ പാലിച്ചുകൊണ്ട് മുന്നോട്ട് പോകണമെന്ന് തിരുവഞ്ചൂർ അഭിപ്രായപ്പെട്ടു. ഭൂമി അന്യാധീനപ്പെടാൻ ഇടവരരുതെന്നും അദ്ദേഹം പറഞ്ഞു. മുഖ്യമന്ത്രിയുടെ നിലപാടിൽ തനിക്ക് വിശ്വാസമുണ്ടെന്നും അദ്ദേഹം വ്യക്തമാക്കി.
