തിരുവനന്തപുരം: പി.എസ്.സി. ഉദ്യോഗാർഥികളുടെ സമരം ശക്തമാകുന്നതിനിടെ മുഖ്യമന്ത്രി വി.ഡി. സതീശന് ബി.ജെ.പി. സംസ്ഥാന പ്രസിഡന്റ് രാജീവ് ചന്ദ്രശേഖർ കത്തയച്ചു. സമരം നടത്തുന്ന ഉദ്യോഗാർഥികളെ മുഖ്യമന്ത്രി നേരിട്ട് ചർച്ചയ്ക്ക് വിളിക്കണമെന്ന് കത്തിൽ ആവശ്യപ്പെട്ടു.
ഉദ്യോഗാർഥികളുടെ ന്യായമായ ആവശ്യങ്ങൾ പരിഹരിക്കാൻ സർക്കാർ അടിയന്തരമായി ഇടപെടണമെന്നാണ് ബി.ജെ.പിയുടെ നിലപാട്. പി.എസ്.സി. ഉദ്യോഗാർഥികളുടെ ആവശ്യങ്ങൾ മുൻനിർത്തി സമരം കൂടുതൽ ശക്തമാക്കാനും സംസ്ഥാന നേതൃത്വം തീരുമാനിച്ചിട്ടുണ്ട്.
ഇതിന്റെ ഭാഗമായി സമരം വിപുലീകരിക്കുന്നതുമായി ബന്ധപ്പെട്ട തുടർനടപടികൾ ആലോചിക്കാൻ നാളെ ബി.ജെ.പി. കോർ കമ്മിറ്റി യോഗം ചേരും.
