മസ്കറ്റ്: ഒമാനിൽ രണ്ട് വാഹനങ്ങൾ കൂട്ടിയിടിച്ച് അപകടം. റീമ മേഖലയിലെ സുൽത്താൻ സഈദ് ബിൻ തൈമൂർ സ്ട്രീറ്റിലാണ് അപകടമുണ്ടായത്. അപകടത്തിൽ ഗുരുതരമായി പരിക്കേറ്റ സ്വദേശി പൗരനെ റോയൽ ഒമാൻ പൊലീസിന്റെ എയർ വിംഗ് വിഭാഗം ഹെലികോപ്റ്ററിൽ ആശുപത്രിയിലെത്തിച്ചു. ഹൈമ ആശുപത്രിയിൽ പ്രാഥമിക ചികിത്സ നൽകിയ ശേഷം വിദഗ്ധ ചികിത്സയ്ക്കായി നിസ്വാ ആശുപത്രിയിലേക്കാണ് മാറ്റിയത്.
അപകടത്തിൽ പരിക്കേറ്റ മറ്റ് അഞ്ച് പേരെ ആംബുലൻസിൽ സമീപത്തെ ആശുപത്രികളിലേക്ക് മാറ്റി. അടിയന്തര സാഹചര്യങ്ങളിൽ വേഗത്തിൽ വൈദ്യസഹായം എത്തിക്കുന്നതിന്റെ ഭാഗമായാണ് റോയൽ ഒമാൻ പൊലീസ് എയർ വിംഗ് രക്ഷാപ്രവർത്തനം നടത്തിയത്.
