ഓണം കഴിഞ്ഞതിന് തൊട്ടുപിന്നാലെ കുത്തനെ ഇടിഞ്ഞ് സ്വർണവില. ഗ്രാമിന് 215 രൂപ ഇടിഞ്ഞ് വില 14,725 രൂപയായി. 1720 രൂപ താഴ്ന്ന് 1,17,800 രൂപയാണ് പവൻവില. രാവിലെ ഗ്രാമിന് 70 രൂപയും പവന് 560 രൂപയും കുറഞ്ഞിരുന്നു. ഇതോടെ ഇന്നത്തെ ആകെ ഇടിവ് ഗ്രാമിന് 285 രൂപ; പവന് 2280 രൂപ. രാജ്യാന്തരവില ഔൺസിന് 4642 ഡോളറിൽ നിന്ന് 4586 ഡോളറിലേക്ക് താഴ്ന്നതിനെ തുടർന്നാണ് കേരളത്തിലും കുറഞ്ഞത്. യുഎസിൽ പണപ്പെരുപ്പം ഉയരുകയും പലിശനിരക്ക് കൂടാനുള്ള സാധ്യത ശക്തമാകുന്നതും ഡോളറിന് കരുത്താവുകയാണ്. ഇതാണ് സ്വർണത്തിന് തിരിച്ചടിയാകുന്നത്.

അതേസമയം, സ്വർണത്തിന്റെ ഇറക്കുമതി തീരുവ 6 ശതമാനത്തിൽ നിന്ന് 15 ശതമാനമായി കൂട്ടിയ തീരുമാനം കേന്ദ്രം പുനഃപരിശോധിച്ചേക്കുമെന്ന് സൂചനകളുണ്ട്. കഴിഞ്ഞ മേയിലാണ് തീരുവ കൂട്ടിയത്.