കോഴിക്കോട്: താമരശ്ശേരിയിൽ കാട്ടുപന്നിയുടെ ആക്രമണത്തിൽ മധ്യവയസ്കന് പരിക്കേറ്റു. ഇന്ന് രാവിലെ ആറുമണിയോടെയാണ് സംഭവം. വീട്ടുവരാന്തയിൽ ഇരുന്ന് പത്രം വായിക്കുകയായിരുന്ന എം.കെ. അബ്ദുൽ ഖാദർ (59) ആണ് ആക്രമണത്തിനിരയായത്. അപ്രതീക്ഷിതമായി വീട്ടുവരാന്തയിലേക്ക് കുതിച്ചെത്തിയ കാട്ടുപന്നി അബ്ദുൽ ഖാദറിന്റെ കാലിൽ കുത്തുകയായിരുന്നു. പരിക്കേറ്റ അബ്ദുൽ ഖാദറിനെ ഉടൻ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു.