പത്തനംതിട്ട: പന്തളത്ത് കടയിൽ കയറി സ്ത്രീയോട് അപമര്യാദയായി പെരുമാറുകയും നഗ്നതാ പ്രദർശനം നടത്തുകയും ചെയ്തെന്ന പരാതിയിൽ കാളവണ്ടി യാത്രാ സംഘത്തിലെ ഒരാളെ പൊലീസ് കസ്റ്റഡിയിലെടുത്തു. മഹാരാഷ്ട്രയിലെ ഠാണെ സ്വദേശി ഗുരുനാഥ് (37) ആണ് പന്തളം പൊലീസിന്റെ കസ്റ്റഡിയിലുള്ളത്. ഉത്തർപ്രദേശിലെ ഒരു ആശ്രമത്തിന്റെ നേതൃത്വത്തിൽ കന്യാകുമാരിയിൽ നിന്ന് കാശ്മീരിലേക്ക് നടത്തുന്ന ഭാരത പര്യടനത്തിന്റെ ഭാഗമായാണ് കാളവണ്ടി യാത്രാ സംഘം പന്തളത്ത് എത്തിയത്.

യാത്രയുടെ സന്ദേശമടങ്ങിയ ലഘുലേഖകൾ വിതരണം ചെയ്യുന്നതിനായി പന്തളത്തെ ഒരു സ്ഥാപനത്തിൽ എത്തിയപ്പോഴാണ് സംഭവമുണ്ടായതെന്നാണ് പരാതി. കടയിലുണ്ടായിരുന്ന സ്ത്രീയോട് ഇയാൾ മോശമായി പെരുമാറുകയും നഗ്നതാ പ്രദർശനം നടത്തുകയും ചെയ്തെന്നാണ് ആരോപണം.

സംഭവം ശ്രദ്ധയിൽപ്പെട്ട കടയുടമയും പ്രദേശവാസികളും ചേർന്ന് ഇയാളെ തടഞ്ഞുവെച്ചു. തുടർന്ന് പൊലീസിൽ വിവരമറിയിച്ചതിനെ തുടർന്ന് സ്ഥലത്തെത്തിയ പന്തളം പൊലീസ് ഗുരുനാഥിനെ കസ്റ്റഡിയിലെടുക്കുകയായിരുന്നു.