തിരുവനന്തപുരം: സംസ്ഥാനത്ത് സ്വർണവിലയിൽ നേരിയ വർധനവ്. ഇന്ന് 22 കാരറ്റ് സ്വർണത്തിന് ഗ്രാമിന് 50 രൂപയും പവന് 400 രൂപയുമാണ് കൂടിയത്. ഇതോടെ ഒരു ഗ്രാം സ്വർണത്തിന്റെ വില 13,135 രൂപയായി. ഒരു പവൻ സ്വർണത്തിന് 1,05,080 രൂപയാണ് ഇന്നത്തെ വില.

കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷനാണ് വിലവിവരങ്ങൾ അറിയിച്ചത്. ഇന്നലെ പവന് 80 രൂപ വർധിച്ച് 1,04,680 രൂപയിലായിരുന്നു വ്യാപാരം നടന്നത്. തുടർച്ചയായ വിലമാറ്റങ്ങൾ സ്വർണം വാങ്ങാൻ കാത്തിരിക്കുന്നവരെയും ആഭരണ വ്യാപാര മേഖലയെയും ബാധിക്കുന്നുണ്ട്. അന്താരാഷ്ട്ര വിപണിയിലെ സ്വർണവിലയിലെ കയറ്റിറക്കങ്ങളാണ് കേരളത്തിലെ സ്വർണവിലയെയും പ്രധാനമായും സ്വാധീനിക്കുന്നത്.