Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

‘മദ്യപാനികളെ ശബരിമല ഡ്യൂട്ടിക്ക് അയക്കരുത്’; എസ്പിമാര്‍ക്ക് ഐജിയുടെ കത്ത്

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

തിരുവനന്തപുരം: മാന്യമായി പെരുമാറാന്‍ അറിയാത്തവരും മദ്യപാനികളുമായ പൊലീസുകാരെ ശബരിമല ഡ്യൂട്ടിക്ക് അയക്കരുതെന്ന് ഐജി പി പ്രകാശ്. നിലയ്ക്കലില്‍ കഴിഞ്ഞ ദിവസമുണ്ടായ സംഭവത്തിന് പിന്നാലെയാണ് സർക്കുലർ. പൊലീസുകാരന്റെ പെരുമാറ്റം അംഗീകരിക്കാനാവില്ല. പൊലീസിന് കളങ്കം വരുത്തുന്നവരെ ഡ്യൂട്ടിക്കായി അയക്കാതിരിക്കാന്‍ എസ്പിമാര്‍ ശ്രദ്ധിക്കണമെന്നും ഐജി കത്തില്‍ പറഞ്ഞു.

‘ശബരിമല ഡ്യൂട്ടിയില്‍, മദ്യപാനശീലമുള്ളവരോ പ്രശ്‌നമുണ്ടാക്കുന്നവരോ ആയ ഉദ്യോഗസ്ഥരെയും പൊലീസ് ഉദ്യോഗസ്ഥരെയും ഒരു കാരണവശാലും ഉള്‍പ്പെടുത്തരുതെന്ന് കര്‍ശനമായി നിര്‍ദ്ദേശിക്കുന്നു. 20.11.2026-ന് നിലയ്ക്കലില്‍ റിപ്പോര്‍ട്ട് ചെയ്യപ്പെട്ട ആക്രമണ സംഭവം അതീവ ഗൗരവമുള്ള ഒന്നാണ്. ഇത്തരത്തിലുള്ള പെരുമാറ്റം ഒട്ടും അംഗീകരിക്കാനാവില്ല. ഇത് പൊലീസ് സേനയുടെ അച്ചടക്കത്തെ തകര്‍ക്കുന്നതും സേനയ്ക്ക് വലിയ അവമതിപ്പ് ഉണ്ടാക്കുന്നതുമാണ്. നല്ല പെരുമാറ്റവും അച്ചടക്കവുമുള്ളവരും, മദ്യപാനശീലമോ മറ്റ് മോശം പെരുമാറ്റരീതികളോ ഇല്ലാത്തവരുമായ ഉദ്യോഗസ്ഥരെ മാത്രമേ ശബരിമല ഡ്യൂട്ടിക്ക് നിയോഗിക്കുന്നുള്ളൂ എന്ന് ബന്ധപ്പെട്ട മേല്‍നോട്ട ഉദ്യോഗസ്ഥര്‍ ഉറപ്പുവരുത്തേണ്ടതാണ്’ കത്തില്‍ പറയുന്നു.

നിലയ്ക്കലില്‍ ശബരിമല തീര്‍ത്ഥാടകരുമായി വന്ന വാഹനത്തിന്റെ ഡ്രൈവറെ മര്‍ദിച്ച എഎസ്‌ഐ ജിജോയെ സസ്പെന്‍ഡ് ചെയ്യാന്‍ നിര്‍ദേശം നല്‍കിയിരുന്നു.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix