Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

അനിരുദ്ധ്– കാവ്യ വിവാഹസൽക്കാരം; വിജയ്‌യും രജനീകാന്തും ഒരുമിച്ചെത്തി, ചിത്രം വൈറൽ

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

ചെന്നൈ: സംഗീത സംവിധായകൻ അനിരുദ്ധ് രവിചന്ദറിന്റെയും കാവ്യ മാരന്റെയും വിവാഹസൽക്കാരം പ്രമുഖരുടെ സാന്നിധ്യത്തിൽ ആഘോഷമായി നടന്നു. നവംബർ 21ന് ചെന്നൈയിൽ നടന്ന ചടങ്ങിൽ തമിഴ്‌നാട് മുഖ്യമന്ത്രി വിജയ്, സൂപ്പർസ്റ്റാർ രജനീകാന്ത്, മുൻ മുഖ്യമന്ത്രി എം.കെ. സ്റ്റാലിൻ തുടങ്ങി രാഷ്ട്രീയ, സിനിമാ രംഗത്തെ നിരവധി പ്രമുഖർ പങ്കെടുത്തു.

ചടങ്ങിൽ ഏറ്റവും കൂടുതൽ ശ്രദ്ധ നേടിയത് മുഖ്യമന്ത്രി വിജയ്‌യുടെ സാന്നിധ്യമായിരുന്നു. നവദമ്പതികൾക്ക് പൂച്ചെണ്ട് നൽകി അദ്ദേഹം ആശംസകൾ അറിയിച്ചു. തുടർന്ന് രജനീകാന്തിനെയും എം.കെ. സ്റ്റാലിനെയും സന്ദർശിച്ച് സൗഹൃദം പങ്കിട്ടു. മൂവരും ഒരുമിച്ച് പുഞ്ചിരിയോടെ ഫോട്ടോയ്ക്ക് പോസ് ചെയ്ത ചിത്രങ്ങൾ സമൂഹമാധ്യമങ്ങളിൽ വൈറലായി.

വധൂവരന്മാരെ കാണാൻ പോകുന്നതിന് രജനീകാന്തിനോട് അനുവാദം ചോദിക്കുന്ന രീതിയിൽ വിജയ് നോക്കിയപ്പോൾ അദ്ദേഹത്തിന്റെ പുറത്തുതട്ടി രജനീകാന്ത് പ്രതികരിക്കുന്ന ദൃശ്യവും ശ്രദ്ധ നേടി. തിരഞ്ഞെടുപ്പ് വിജയത്തിന് പിന്നാലെ വിജയ്‌യും രജനീകാന്തും തമ്മിൽ അസ്വാരസ്യങ്ങളുണ്ടെന്ന തരത്തിൽ അഭ്യൂഹങ്ങൾ പ്രചരിച്ചിരുന്നു. സിനിമകളുടെ റിലീസ് സമയത്തും ഇരുവരുടെയും ആരാധകർ തമ്മിൽ സമൂഹമാധ്യമങ്ങളിൽ തർക്കങ്ങൾ ഉണ്ടാകാറുണ്ട്. ഇതിനിടയിൽ ഇരുവരും സൗഹൃദത്തോടെ കണ്ടുമുട്ടിയതിന്റെ ചിത്രങ്ങൾ അഭ്യൂഹങ്ങൾക്ക് വിരാമമിടുന്നതായി ആരാധകർ വിലയിരുത്തുന്നു.

ഗ്രീസിലായിരുന്നു അനിരുദ്ധിന്റെയും കാവ്യയുടെയും വിവാഹച്ചടങ്ങുകൾ. നവംബർ 10ന് പ്രീ-വെഡ്ഡിങ് ആഘോഷങ്ങൾ ആരംഭിച്ചു. നവംബർ 11നായിരുന്നു വിവാഹം. കാവ്യയുടെ മാതാപിതാക്കളായ കലാനിധി മാരനും കാവേരി മാരനും നേരിട്ടെത്തിയാണ് ചെന്നൈയിലെ വിവാഹസൽക്കാരത്തിലേക്ക് രാഷ്ട്രീയ, സിനിമാ രംഗത്തെ പ്രമുഖരെ ക്ഷണിച്ചത്.

2025 മുതൽ അനിരുദ്ധിന്റെയും കാവ്യയുടെയും പ്രണയവും വിവാഹവും സംബന്ധിച്ച അഭ്യൂഹങ്ങൾ പ്രചരിച്ചിരുന്നു. എന്നാൽ അന്ന് അനിരുദ്ധ് വാർത്തകൾ നിഷേധിച്ചിരുന്നു. പിന്നീട് ഇരുവരും ഒന്നിച്ച് രജനീകാന്തിന്റെ ‘ജയിലർ 2’ സിനിമയുടെ പ്രത്യേക പ്രദർശനത്തിനെത്തിയതും അനിരുദ്ധിന്റെ അമ്മാവൻ വൈ.ജി. മഹേന്ദ്രൻ കുടുംബത്തിൽ ഉടൻ വിവാഹമുണ്ടാകുമെന്ന് സൂചന നൽകിയതും വാർത്തകൾക്ക് വീണ്ടും പ്രാധാന്യം നൽകി.

നവംബർ 21ന് ചെന്നൈയിൽ വിവാഹസൽക്കാരം നടക്കുമെന്ന വിവരം തെലങ്കാന മുഖ്യമന്ത്രി രേവന്ത് റെഡ്ഡിയാണ് ഒക്ടോബറിൽ പുറത്തുവിട്ടത്. സൺ ന്യൂസിന്റെ ഔദ്യോഗിക സമൂഹമാധ്യമ അക്കൗണ്ടുകളിലൂടെയാണ് ചടങ്ങിന്റെ ചിത്രങ്ങൾ പുറത്തുവന്നത്.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix