കോഴിക്കോട്:ഐസിയു പീഡനക്കേസിലെ അതിജീവിത നടത്തുന്ന സമരം താല്ക്കാലികമായി അവസാനിപ്പിച്ചു.കോഴിക്കോട് സിറ്റി പൊലീസ് കമ്മീഷണറുടെ ഓഫീസിന് മുന്നിലായിരുന്നു സമരം നടത്തിയിരുന്നത്.സമരം നടത്തേണ്ടി വന്ന സാഹചര്യത്തെക്കുറിച്ച് ഐജി കമ്മീഷണറോട് വിശദീകരണം ആവശ്യപ്പെട്ട പശ്ചാത്തലത്തിലാണ് തീരുമാനം.
ഗൈനക്കോളജിസ്റ്റ് കെ വി പ്രീതിയ്ക്കെതിരായ കേസിലെ അന്വേഷണ റിപ്പോര്ട്ട് ആവശ്യപ്പെട്ട് കഴിഞ്ഞ വ്യാഴാഴ്ചയാണ് സമരം തുടങ്ങിയത്.മുഖ്യമന്ത്രിയുടെ ഓഫീസിന്റെ നിര്ദ്ദേശപ്രകാരമാണ് സംഭവത്തില് ഉത്തരമേഖല ഐജി അന്വേഷണം ആരംഭിച്ചത്.നേരത്തെ അതിജീവിതയുടെ പരാതിയില് മുഖ്യമന്ത്രിയുടെ ഓഫീസ് ഇടപെട്ടിരുന്നു.പരാതിയെക്കുറിച്ച് ഉത്തരമേഖല ഐജിയോട് അന്വേഷിക്കാന് നിര്ദേശം നല്കിയിട്ടുണ്ട്.
പിറന്നാള് ദിനത്തില് പെണ്കുട്ടികള്ക്കൊപ്പം ഫുട്ബോള് കളിച്ച് സച്ചിന്
അതിജീവിതയുടെ സമരത്തെ കുറിച്ചും അന്വേഷണ റിപ്പോര്ട്ട് കൈമാറാത്തതും അന്വേഷിക്കണമെന്നും നിര്ദ്ദേശത്തിലുണ്ട്.വിഷയത്തില് 15 ദിവസത്തിനകം റിപ്പോര്ട്ട് നല്കാന് മുഖ്യമന്ത്രിയുടെ ഓഫീസ് ആവശ്യപ്പെട്ടു. ഇതിന് പിന്നാലെ ഐജി കമ്മീഷണറോട് വിശദീകരണം ആവശ്യപ്പെട്ട സാഹചര്യത്തിലാണ് അതിജീവിത സമരം താത്കാലികമായി അവസാനിപ്പിച്ചത്.
