കണ്ണൂര്:ജീവനക്കാരുടെ സമരം അവസാനിച്ചിട്ടും എയര് ഇന്ത്യ സര്വീസുകള് ഇന്നും റദ്ദാക്കി.കണ്ണൂര് വിമാനത്താവളത്തില് നിന്നുള്ള ദമാം, അബുദാബി സര്വീസുകളാണ് ഇന്ന് സര്വീസ് നടത്താത്തത്. ഇതോടെ ഇവിടങ്ങളിലേക്ക് പോകേണ്ട യാത്രക്കാര് ദുരിതത്തിലായി. കണ്ണൂരില് ഇന്നലെ നാല് സര്വീസുകളാണ് റദ്ദാക്കിയത്.ഷാര്ജ, അബുദാബി, ദമാം, മസ്ക്കറ്റ് എന്നിവിടങ്ങളിലേക്കുള്ള സര്വീസുകളാണ് റദ്ദാക്കിയത്. ഇതേതുടര്ന്ന് ഇന്നലെ വിമാനത്താവളത്തില് യാത്രക്കാരുടെ പ്രതിഷേധം നടന്നിരുന്നു. ഇതിനു പിന്നാലെയാണ് ഇന്ന് രണ്ട് സര്വീസുകള് കൂടി റദ്ദാക്കിയത്.
ഭൂമി തരംമാറ്റം;സംസ്ഥാനത്ത് കെട്ടിക്കിടക്കുന്നത് 2.5 ലക്ഷത്തോളം അപേക്ഷകള്
ക്യാബിന് ക്രൂ അംഗങ്ങളില് ഒരു വിഭാഗം കൂട്ട അവധിയെടുത്തതോടെയാണ് എയര് ഇന്ത്യയില് സര്വീസ് പ്രതിസന്ധിയിലായത്.200 ലധികം ക്യാബിന് ക്രൂ ജീവനക്കാര് സിക്ക് ലീവ് എടുക്കുകയായിരുന്നു.നിരവധി ആഭ്യന്തര -അന്താരാഷ്ട്ര സര്വീസുകളാണ് കഴിഞ്ഞ ദിവസങ്ങളില് ഇതുമൂലം റദ്ദാക്കിയത്.അപ്രതീക്ഷിതമായി സര്വീസുകള് റദ്ദാക്കിയതുമൂലം നൂറുകണക്കിന് യാത്രക്കാരാണ് ദുരിതത്തിലായത്.
