ന്യൂഡൽഹി: സാമ്പത്തിക പ്രതിസന്ധി നേരിടുന്ന എയർ ഇന്ത്യയെ ലാഭത്തിലാക്കാൻ പുതിയ പദ്ധതികളുമായി നിയുക്ത സിഇഒ തെവോൾഡെ ഗെബ്രെമറിയം. കമ്പനിക്ക് വരുമാനം വർധിപ്പിക്കാനും ചെലവ് കുറയ്ക്കാനും സഹായിക്കുന്ന മികച്ച ആശയങ്ങൾ നൽകുന്ന ജീവനക്കാർക്ക് സാമ്പത്തിക പാരിതോഷികം നൽകുമെന്ന് അദ്ദേഹം അറിയിച്ചു. കമ്പനിയുടെ സാമ്പത്തിക സ്ഥിതി മെച്ചപ്പെടുത്തുന്നതിനായി നടത്തിയ ടൗൺഹാൾ യോഗത്തിലാണ് സിഇഒ ഇക്കാര്യം വ്യക്തമാക്കിയത്. ചെലവ് കുറയ്ക്കുന്നതും വരുമാനം വർധിപ്പിക്കുന്നതും മാനേജ്‌മെന്റിന്റെയോ ഫിനാൻസ് വിഭാഗത്തിന്റെയോ മാത്രം ഉത്തരവാദിത്തമല്ലെന്ന് അദ്ദേഹം പറഞ്ഞു. എല്ലാ ജീവനക്കാർക്കും കമ്പനിയുടെ വളർച്ചയിൽ പങ്കാളികളാകാമെന്നും അദ്ദേഹം […]