തിരുവനന്തപുരം: സംസ്ഥാനത്ത് മഴമുന്നറിയിപ്പില് മാറ്റം. ആറ് ജില്ലകള്ക്കാണ് നിലവില് യെല്ലോ അലര്ട്ട് നല്കിയിട്ടുള്ളത്. പത്തനംതിട്ട, ഇടുക്കി, എറണാകുളം, പാലക്കാട്, മലപ്പുറം, വയനാട് ജില്ലകളിലാണ് മഞ്ഞ അലര്ട്ട്. വടക്കന് ബംഗാള് ഉള്ക്കടലിനും ബംഗ്ലാദേശ്, പശ്ചിമ ബംഗാള് തീരത്തിനും മുകളിലായി ന്യൂനമര്ദ്ദം രൂപപ്പെട്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചിരുന്നു.
തെക്കു കിഴക്കന് അറബിക്കടലില് ചക്രവാതച്ചുഴി നിലനില്ക്കുന്നു. ഇതിന്റെ ഫലമായി കേരളത്തില് അടുത്ത ഏഴ് ദിവസം വ്യാപകമായി നേരിയ, ഇടത്തരം മഴയ്ക്ക് സാധ്യതയുണ്ട്. ഒറ്റപ്പെട്ട സ്ഥലങ്ങളില് ഇന്ന് മുതല് ഒക്ടോബര് 9 വരെ ശക്തമായ മഴയ്ക്കും സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
