ഡൽഹി: യുവനടിയെ ബലാത്സംഗം ചെയ്തെന്ന കേസില് നടന് സിദ്ദിഖിന് മുന്കൂര് ജാമ്യം അനുവദിച്ച് സുപ്രീംകോടതി. പരാതി നല്കിയത് എട്ട് വര്ഷത്തിന് ശേഷം എന്ന് ചൂണ്ടിക്കാട്ടിയാണ് സിദ്ദിഖിന് ജാമ്യം അനുവദിച്ചിരിക്കുന്നത്. അറസ്റ്റ് ചെയ്താല് ജാമ്യത്തില് വിടണമെന്നും സുപ്രീം കോടതി നിര്ദേശം നല്കി.
ജസ്റ്റിസുമാരായ ബേല എം ത്രിവേദി, സതീഷ് ചന്ദ്ര ശര്മ്മ എന്നിവരുടെ ബെഞ്ചാണ് ജാമ്യാപേക്ഷ പരിഗണിച്ചത്. സിദ്ദിഖ് പാസ്പോര്ട്ട് ഹാജരാക്കണമെന്നും അന്വേഷണത്തോട് സഹകരിക്കണമെന്നും കോടതി നിര്ദേശിച്ചിട്ടുണ്ട്.
ധൈര്യമില്ലാത്തത് കൊണ്ടാണ് പരാതി നല്കാന് എട്ടര വര്ഷം വൈകിയതെന്നായിരുന്നു അതിജീവിതയുടെ വാദം. കരിയര് അവസാനിപ്പിക്കുമെന്ന് സിദ്ദിഖ് ഭീഷണിപ്പെടുത്തിയെന്നും അതിജീവിത വെളിപ്പെടുത്തിയിരുന്നു.
ചോദ്യം ചെയ്യാന് സിദ്ദിഖ് ഹാജരായോ എന്ന് എസ്ഐടിയോട് സുപ്രീംകോടതി ചോദിച്ചിരുന്നു. തുടര്ന്നാണ് സിദ്ദിഖ് സഹകരിക്കുന്നില്ലെന്ന് സര്ക്കാര് വ്യക്തമാക്കിയത്. എന്നാല് അന്വേഷണവുമായി സഹകരിക്കാന് തയ്യാറെന്ന് സിദ്ദിഖിന്റെ അഭിഭാഷകന് അറിയിച്ചു.
