സംസ്ഥാനത്ത് വരും ദിവസങ്ങളിലും മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പ്. കേരളത്തില് നിലവില് ദുര്ബലമായിരിക്കുന്ന മഴ നവംബര് 26ന് ശേഷം കുറച്ചു ദിവസത്തേക്ക് സജീവകാന് സാധ്യതയുണ്ടെന്നും കാലാവസ്ഥാ നിരീക്ഷകര് വിലയിരുത്തുന്നു.
ബംഗാള് ഉള്കടലില് ന്യൂന മര്ദ്ദ സാധ്യതയുണ്ടെന്നും തെക്കന് ആന്ഡമാന് കടലില് വ്യാഴാഴ്ചയോടെ ചക്രവാതചുഴി രൂപപ്പെടാന് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
നവംബര് 23 ഓടെ ചക്രവാതച്ചുഴി ന്യൂന മര്ദ്ദമായും തുടര്ന്നുള്ള ദിവസങ്ങളില് തീവ്ര ന്യൂന മര്ദ്ദമായും ശക്തി പ്രാപിച്ച് തമിഴ് നാട്, ശ്രീലങ്ക തീരത്തേക്ക് നീങ്ങാന് സാധ്യതയെന്നാണ് പ്രവചനം.
സംസ്ഥാനത്ത് നാളെ വരെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്ക് സാധ്യതയുണ്ട്. അതേസമയം കേരള കര്ണാടക തീരങ്ങളില് ഇന്ന് മത്സ്യബന്ധനത്തിന് തടസമില്ല.
