തിരുവനന്തപുരം: മുണ്ടക്കൈ – ചൂരല്മല പുനരധിവാസ പദ്ധതിക്ക് മന്ത്രിസഭ ഇന്ന് അംഗീകാരം നല്കും. പുനരധിവാസ പദ്ധതിയുടെ നിര്മ്മാണ ചുമതല കിഫ്ബിക്ക് കൈമാറാനാണ് സാധ്യത. ദുരന്തബാധിതര്ക്ക് സഹായം വാഗ്ദാനം ചെയ്തവരുമായി മുഖ്യമന്ത്രി ഇന്ന് കൂടിക്കാഴ്ച നടത്തും. രാവിലെ 12ന് സെക്രട്ടറിയേറ്റിലാണ് കൂടിക്കാഴ്ച്ച.
രാഹുല് ഗാന്ധിയുടെ പ്രതിനിധി കൂടിക്കാഴ്ചയ്ക്ക് എത്തും. നൂറ് വീടുകള് വാഗ്ദാനം ചെയ്ത കര്ണാടക സര്ക്കാരിന്റെ പ്രതിനിധിയും യോഗത്തില് പങ്കെടുക്കും. പുനരധിവാസ പദ്ധതിയുടെ വിശദാംശങ്ങള് മുഖ്യമന്ത്രി സ്പോണ്സര്മാരെ അറിയിക്കും. നേരത്തെ പുനരധിവാസത്തിനായി ഏറ്റെടുത്ത ഭൂമി ടൗണ്ഷിപ്പ് നിര്മ്മിക്കാന് സര്ക്കാരിന് ഏറ്റെടുക്കാമെന്ന് ഹൈക്കോടതി വിധിച്ചിരുന്നു.
