ആലപ്പുഴ: കേരളത്തിൽ കോണ്ഗ്രസില് ഈഴവര്ക്ക് മതിയായ പരിഗണന ലഭിക്കുന്നില്ലെന്ന് എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന്. എല്എഡിഎഫില് ഈഴവര്ക്ക് പരിഗണന ലഭിക്കുന്നുണ്ടെന്നും വെള്ളാപ്പള്ളി അഭിപ്രായപ്പെട്ടു. ഈഴവരുടെ പിന്ബലമില്ലാതെ കേരളത്തില് ഒരു രാഷ്ട്രീയകക്ഷിക്കും വിജയിക്കാനാവില്ലെന്നും അദ്ദേഹം കൂട്ടിച്ചേര്ത്തു.
30 ശതമാനത്തിലധികം ഈഴവ പിന്നോക്ക വിഭാഗമാണുള്ളത്. ഈഴവ പിന്ബലമില്ലാത്തവര്ക്ക് കേരളത്തില് ഭരണം കിട്ടിയ ചരിത്രമില്ലെന്നും വെള്ളാപ്പള്ളി പറഞ്ഞു. കോണ്ഗ്രസില് ഈഴവര്ക്ക് എന്ത് പരിഗണന ഉണ്ടെന്നും അദ്ദേഹം ആരാഞ്ഞു. ഇടതുപക്ഷത്തിന്റെ ജില്ലാ കമ്മിറ്റികളില് ഈഴവ ജില്ലാ സെക്രട്ടറിമാരുണ്ടെന്നും കോൺഗ്രസിൽ അതില്ലെന്നും വെള്ളാപ്പള്ളി പറഞ്ഞു.
