കൊച്ചി: പകുതി വില തട്ടിപ്പ് കേസില് അന്വേഷണം ശക്തമാക്കി ഇഡി. കോണ്ഗ്രസ് നേതാവ് ലാലി വിന്സെന്റിന്റെ വീട്ടില് അടക്കം 12 ഇടത്താണ് നിലവില് റെയ്ഡ് നടത്തുന്നത്. ഇ ഡിയുടെ കൊച്ചി ഓഫീസാണ് റെയ്ഡ് നടത്തുന്നത്. പാതിവില തട്ടിപ്പ് കേസിലെ പ്രധാനസൂത്രധാരനെന്ന് സംശയിക്കുന്ന ആനന്ദകുമാറിന്റെ വീട്ടിലും റെയ്ഡ് നടക്കുന്നുണ്ട്. നേരത്തെ കേസില് ഇ ഡി കേസ് രജിസ്റ്റര് ചെയ്തിരുന്നു.
പാതിവില തട്ടിപ്പുകേസില് കണ്ണൂര് ടൗണ് പോലീസ് രജിസ്റ്റര് ചെയ്ത കേസില് ലാലി വിന്സെന്റ് 7- ാം പ്രതിയാണ്. അനന്തുകൃഷ്ണനില് നിന്ന് 46 ലക്ഷം രൂപ കൈപ്പറ്റിയത് നിയമസഹായം നല്കിയവകയിലാണെന്നും സാമ്പത്തിക ഇടപാടുകള് പരിശോധിക്കാമെന്നുമായിരുന്നു ലാലി വിന്സെന്റിന്റെ വിശദീകരണം. കേസില് ലാലിയുടെ അറസ്റ്റ് കോടതി താല്ക്കാലികമായി തടഞ്ഞിരുന്നു.
