കൊച്ചി: വിവാഹ സൽക്കാര ചടങ്ങുകളിൽ നിന്ന് പ്ലാസ്റ്റിക് വെള്ളക്കുപ്പികള് ഒഴിവാക്കണമെന്ന് ഹൈക്കോടതി. പകരം ഗ്ലാസ് വെള്ളക്കുപ്പികള് ഉപയോഗിക്കണമെന്നും ഹൈക്കോടതി ഡിവിഷന് ബെഞ്ച് നിർദേശിച്ചു. പുനരുപയോഗമില്ലാത്ത പ്ലാസ്റ്റിക് ഒഴിവാക്കുന്നതിന് കര്ശന നടപടി വേണമെന്നും കോടതി നിർദ്ദേശിച്ചു. സംസ്ഥാനത്തെ മാലിന്യ പ്രശ്നവുമായി ബന്ധപ്പെട്ട ഹര്ജി പരിഗണിക്കവെയാണ് നിര്ദ്ദേശം
പ്ലാസ്റ്റിക് വെള്ളക്കുപ്പി നിരോധനം എങ്ങനെ പ്രായോഗികമായി നടപ്പാക്കാനാകുമെന്നും ഹൈക്കോടതി ചോദിച്ചു. നൂറ് പേരില് കൂടുതല് പങ്കെടുക്കുന്ന ചടങ്ങില് പ്ലാസ്റ്റിക് ഉപയോഗത്തിന് ലൈസന്സ് ആവശ്യമാണെന്നും ഹൈക്കോടതി അറിയിച്ചു. ലൈസന്സ് നല്കാന് തദ്ദേശ സ്വയംഭരണ സ്ഥാപനങ്ങള്ക്കാണ് അധികാരമെന്നും സര്ക്കാര് അറിയിച്ചു. വിവാഹ സൽക്കാര ചടങ്ങുകളില് അരലിറ്റര് വെള്ളക്കുപ്പികള് ഉപയോഗിക്കുന്നതിന് നിരോധനം ഉണ്ടെന്നും തദ്ദേശ സ്വയംഭരണ വകുപ്പ് സ്പെഷല് സെക്രട്ടറി ഹൈക്കോടതിയിൽ വിശദീകരണം നൽകി.
