കൊച്ചി: നെടുമ്പാശേരി വിമാനത്താവളത്തിൽ ലഹരിവേട്ട. ബാങ്കോക്കിൽ നിന്നും കൊച്ചി വിമാനത്താവളത്തിൽ എത്തിയ രണ്ടു യുവതികളിൽ നിന്നാണ് കസ്റ്റംസ് 15 കിലോ കഞ്ചാവ് പിടികൂടിയത്. ഡൽഹി, രാജസ്ഥാൻ സ്വദേശിനികളിൽ നിന്ന് ഹൈബ്രിഡ് കഞ്ചാവാണ് പിടികൂടിയത്.

മേക്കപ്പ് സാധനങ്ങളെന്ന വ്യാജേനയാണ് ഇവർ കഞ്ചാവ് കടത്താൻ ശ്രമിച്ചത്. ഏഴരകിലോ വീതം ഹൈബ്രിഡ് കഞ്ചാവ് മേക്കപ്പ് വസ്തുക്കളുടെ രൂപത്തിൽ പോത്തിന് സൂക്ഷിക്കുകയായിരുന്നു. സംശയം തോന്നിയ കസ്റ്റംസ് ഉദ്യോഗസ്ഥർ നടത്തിയ വിശദമായ പരിശോധനയിലാണ് കഞ്ചാവ് കണ്ടെടുത്തത്. സംഭവത്തിൽ പൊലീസ് വിശദമായി അന്വേഷിച്ചുവരികയാണ്.