പാനൂര്: കളിക്കുന്നതിനിടെ തെരുവ്നായയെ കണ്ട് ഭയന്നോടിയ നാലാം ക്ലാസുകാരന് കിണറ്റില് വീണ് മരിച്ചു. കണ്ണൂർ പാനൂരിൽ ചേലക്കാട് പള്ളിക്ക് സമീപം മത്തത്ത് വീട്ടില് ഉസ്മാന്റെ മകന് മുഹമ്മദ് ഫസല് (ഒമ്പത്) ആണ് മരിച്ചത്. തൂവക്കുന്ന് ഗവ.എല്.പി സ്കൂളിലെ നാലാംക്ലാസ് വിദ്യാര്ഥിയാണ് മുഹമ്മദ് ഫസല്.വൈകുന്നേരം അഞ്ചരയോടെയായിരുന്നു സംഭവം.
മറ്റ് കുട്ടികളോടൊപ്പം വീടിനടുത്ത് കളിക്കുന്നതിനിടെയാണ് തെരുവുനായയെ കണ്ട് കുട്ടികള് പല വഴിക്ക് ചിതറിയോടിയത്. ഇതിനിടെ അടുത്ത പറമ്പിലെ കിണറ്റില് മുഹമ്മദ് ഫസൽ വീഴുകയായിരുന്നു.കുട്ടികള് പല വഴിക്ക് ഓടിയതിനാൽ അവര് മുഹമ്മദ് ഫസലിനെ കുറിച്ച് ആദ്യം ഓർത്തില്ല. തുടര്ന്ന് ഏറെ വൈകിയിട്ടും കുട്ടി വീട്ടില് എത്താത്തതിനെ തുടര്ന്ന് നാട്ടുകാര് നടത്തിയ തിരച്ചിലിനിടെയാണ് കുട്ടിയെ കിണറ്റില് വീണ നിലയില് കണ്ടെത്തിയതെന്ന് കുന്നോത്ത് പറമ്പ് ഗ്രാമപഞ്ചായത്ത് അംഗം പി.കെ മുഹമ്മദാലി പറഞ്ഞു.മൂടാനിരുന്ന കിണറായതിനാല് ആള്മറയുണ്ടായിരുന്നില്ല. പേടിച്ചോടുന്നതിനിടെ കുട്ടി ഈ കിണറ്റിൽ വീഴുകയായിരുന്നെന്നാണ് പുറത്ത് വരുന്ന വിവരം.
