ജയ്പൂർ: രാജസ്ഥാനിലെ ജയ്പൂരിൽ മസ്തിഷ്ക ജ്വരം ബാധിച്ച് ചികിത്സയിലിരിക്കേ ആറ് വയസുകാരൻ മരിച്ചു . ചുരു സ്വദേശിയായ അനസ് ജെകെ ലോൺ ഗവൺമെന്റ് ആശുപത്രിയിൽ ചികിത്സയിലിരിക്കുകയായിരുന്നു. കുട്ടിക്ക് വീട്ടിൽ ചുമയ്ക്ക് ഉപയോഗിക്കുന്ന മരുന്ന് നൽകിയിരുന്നുവെന്നും, അതേയാണ് മരണത്തിന് കാരണമായതോ എന്നത് കുടുംബം സംശയിക്കുന്നുവെന്നും അവർ അറിയിച്ചു.
കുട്ടിയെ മൂന്ന് ദിവസം മുൻപ് ആശുപത്രിയിൽ പ്രവേശിപ്പിച്ചു. ശനിയാഴ്ച പുലർച്ചെ 4 മണിക്ക് പ്രവേശിപ്പിച്ച അനസ് രാവിലെ 10 മണിയോടെ മരണമടഞ്ഞു. ആശുപത്രി അധികൃതർ മസ്തിഷ്ക ജ്വരമാണ് മരണകാരണമെന്ന് സ്ഥിരീകരിച്ചു. ഇതിന് പിന്നാലെ മധ്യപ്രദേശിലും രാജസ്ഥാനിലുമായി ചുമ മരുന്ന് കഴിച്ച കുട്ടികളുടെ മരണങ്ങളുടെ വാർത്തകൾ പുറത്തുവന്നിട്ടുണ്ട്.
രാജസ്ഥാനിലെ ഭരത്പൂർ, സിക്കാർ ഉൾപ്പെടെ രണ്ട് കുട്ടികൾ ചുമ മരുന്ന് കഴിച്ച ശേഷം മരിച്ചു എന്ന റിപ്പോർട്ടുകൾ പുറത്ത് വന്നിട്ടുണ്ട്. സർക്കാർ ആശുപത്രികളിൽ നിന്ന് സൗജന്യമായി വിതരണം ചെയ്ത ചുമ മരുന്നുകളാണ് കുട്ടികൾക്ക് നൽകിയതെന്നാണ് കുടുംബങ്ങൾ ആരോപിക്കുന്നത്.
