തിരുവനന്തപുരം: യൂത്ത് കോണ്ഗ്രസ് വിട്ടെത്തിയ എ കെ ഷാനിബ് ഡിവൈഎഫ്ഐ സംസ്ഥാന കമ്മിറ്റിയിൽ. പി സരിന് കോണ്ഗ്രസ് വിട്ടതിന് പിന്നാലെയാണ് ഷാനിബും പാര്ട്ടി വിട്ടത്. യൂത്ത് കോണ്ഗ്രസ് നേതാവായിരുന്ന ഷാനിബ് പാലക്കാട് ഉപതിരഞ്ഞെടുപ്പ് സമയത്താണ് മാതൃസംഘടനയായ കോണ്ഗ്രസും യൂത്ത് കോണ്ഗ്രസ് വിട്ട് സിപിഐഎമ്മിന്റെ ഭാഗമായത്.
എസ്എഫ്ഐ മുന് സംസ്ഥാന സെക്രട്ടറി പിഎം ആര്ഷോയെയും ഡിവൈഎഫ്ഐ സംസ്ഥാന കമ്മിറ്റിയില് ഉള്പ്പെടുത്തിയിട്ടുണ്ട്. സിപിഐഎം പാലക്കാട് ജില്ലാ കമ്മിറ്റിയംഗമാണ് ആര്ഷോ. പി സരിനെ 80000 രൂപ മാസശമ്പളത്തിൽ വിജ്ഞാന കേരളം ഉപദേശകനായി നിയമിച്ചിരുന്നു.
