മലപ്പുറം: കിണറ്റില് വീണ ആട്ടിന്കുട്ടിക്ക് രക്ഷകരായി അഗ്നിരക്ഷാസേന. മലപ്പുറം മേല്മുറി പെരുമ്പറമ്പ് ചുങ്കത്ത് നാണത്തു വീട്ടില് സൈദിന്റെ ഒന്നര മാസം പ്രായമായ ആട്ടിന്കുട്ടിയാണ് അയല്വാസി ഹരിദാസിന്റെ വീട്ടിലെ കിണറ്റില് അബദ്ധത്തില് വീണത്. മുറ്റത്ത് കുട്ടികള്ക്കൊപ്പം കളിക്കുന്നതിനിടെ ആട്ടിന്കുട്ടി 35 അടിയോളം താഴ്ചയുള്ള കിണറ്റില് വീഴുകയായിരുന്നു. ഞായറാഴ്ച്ച വൈകിട്ട് അഞ്ചോടെയായിരുന്നു സംഭവം നടന്നത്. ആട്ടിന് കുട്ടിയെ കരകയറ്റാന് ശ്രമിച്ചുവെങ്കിലും ഫലമുണ്ടായില്ല.
ഉടന് തന്നെ വീട്ടുകാര് മലപ്പുറം അഗ്നിരക്ഷാ സേനയില് അറിയിക്കുകയും സീനിയര് ഫയര് ആന്ഡ് റെസ്ക്യൂ ഓഫീസര് മുഹമ്മദുകുട്ടിയുടെ നേതൃത്വത്തില് സംഘമെത്തി ആട്ടിൻകുട്ടിയെ രക്ഷിക്കുകയും ചെയ്തു. സേനാംഗം കെ സി മുഹമ്മദ് ഫാരിസ് കിണറ്റില് ഇറങ്ങി ആട്ടിന്കുട്ടിയെ പുറത്തെത്തിച്ചത്. ഫയര് ആന്ഡ് റെസ്ക്യൂ ഓഫീസര്മാരായ പി അമല്, ഡ്രൈവര് പി അഭിലാഷ്, ഹോം ഗാര്ഡ് പ്രമോദ് കുമാര് തുടങ്ങിവര് രക്ഷാപ്രവര്ത്തനത്തില് പങ്കെടുത്തു.
