ന്യൂഡല്ഹി: ഡല്ഹി മുൻ മുഖ്യമന്ത്രിയും ആംആദ്മി നേതാവുമായ അരവിന്ദ് കെജ്രിവാളിന്റെ വീടിന് മുന്നില് മാലിന്യം തള്ളി എഎപി എംപി സ്വാതി മലിവാള്. ഡല്ഹിയില് ശുചിത്വത്തിന്റെയും അടിസ്ഥാന സൗകര്യങ്ങളുടെയും അഭാവമുണ്ടെന്ന് ചൂണ്ടിക്കാട്ടിയായിരുന്നു പ്രതിഷേധം.
അരവിന്ദ് കെജ്രിവാളുമായി സംസാരിക്കാനാണ് ഞാന് വന്നത്. നിങ്ങള് സ്വയം നന്നാവൂ അല്ലെങ്കില് പൊതുജനം നിങ്ങളെ നന്നാക്കുമെന്നാണ് സ്വാതി പറഞ്ഞത്. സംഭവത്തില് സ്വാതിയെ പൊലീസ് കസ്റ്റഡിയിലെടുത്തു.
‘ഈ നഗരം മുഴുവന് മാലിന്യക്കൂമ്പാരമായി മാറിയിരിക്കുകയാണ്. ഡല്ഹിയുടെ എല്ലാ മൂലകളും വൃത്തികേടായിരിക്കുകയാണ്. റോഡുകളില് അറ്റകുറ്റപണികള് നടക്കുന്നു, അഴുക്കുചാലുകള് നിറഞ്ഞുകവിഞ്ഞിരിക്കുന്നു. അദ്ദേഹത്തിന്റെ ഗുണ്ടകളെയോ പൊലീസിനെയോ എനിക്ക് പേടിയില്ല’, എന്നും സ്വാതി മല്ലിവാള് പറഞ്ഞു.
