കൊച്ചി: നടി ആക്രമിക്കപ്പെട്ട കേസില് അന്തിമവാദം തുറന്ന കോടതിയില് വേണമെന്ന് ആവശ്യപ്പെട്ട് അതിജീവിത വിചാരണ കോടതിയില് ഹര്ജി നല്കി. ഇന്നലെ അന്തിമവാദം തുടങ്ങിയതിന് പിന്നാലെയാണ് അതിജീവിതയുടെ നിര്ണായക നീക്കം. മെമ്മറി കാര്ഡ് നിയമവിരുദ്ധമായി പരിശോധിച്ച സംഭവത്തില് നേരത്തെ അതിജീവിത കോടതിയില് അവിശ്വാസം രേഖപ്പെടുത്തിയിരുന്നു.
നടിയെ ആക്രമിച്ച കേസിന്റെ ഇതുവരെയുള്ള വിചാരണ അടച്ചിട്ട കോടതിയില് നടന്നത്. എന്നാല് വാദം അന്തിമഘട്ടത്തിലേയ്ക്ക് കടന്നതോടെ കോടതിയില് നടക്കുന്ന കാര്യങ്ങള് പൊതുസമൂഹം കൂടി അറിയട്ടെ എന്നും ഇതില് തന്റെ സ്വകാര്യതയുടെ വിഷയങ്ങളൊന്നുമില്ലെന്നും അതിജീവിത കോടതിയില് വ്യക്തമാക്കി. എറണാകുളം ജില്ലാ പ്രിന്സിപ്പല് സെഷന്സ് കോടതിയിലാണ് വാദം നടക്കുന്നത്.
