റിയാദ്: സൗദി അറേബ്യയുടെ കിഴക്കൻ പ്രവിശ്യയിൽ ഹോം ഡെലിവറി ബൈക്കുമായി ഇടിച്ച് പരിക്കേറ്റ് ചികിത്സയിലിരുന്ന മലയാളി മരിച്ചു. മംഗലാപുരം സ്വദേശി ഗണേഷ് കുമാർ ആണ് മരിച്ചത്.

അൽ അഹസയിലെ ഹുഫൂഫിലെ സെൻട്രൽ ഫിഷ് മാർക്കറ്റിൽ 20 വർഷമായി ജോലി ചെയ്തുവരികയായിരുന്നു ഗണേഷ്. ഹോം ഡെലിവറി സർവീസ് നടത്തുന്ന ഒരു കമ്പനിയിലെ ഡെലിവറി ബോയ് ഓടിച്ചിരുന്ന ബൈക്കാണ് ഇടിച്ചത്.

പരിക്കേറ്റ ഗണേഷിനെ ഉടൻ തന്നെ ഹസയിലെ ഒരു സ്വകാര്യ ആശുപത്രിയിലെ തീവ്ര പരിചരണ വിഭാഗത്തിൽ പ്രവേശിപ്പിച്ചു. ചികിത്സയിലിരിക്കയാണ് മരണം സംഭവിച്ചത്. മരണത്തിനു ശേഷം മൃതദേഹം നാട്ടിലേക്ക് എത്തിക്കാൻ അൽ അഹ്‌സിലെ കെഎംസിസി പ്രവർത്തകർ രംഗത്തുണ്ട്.