കോട്ടയം: സത്യപ്രതിജ്ഞ ചെയ്ത് അധികാരമേറ്റതിന് പിന്നാലെ ജനകീയ പ്രശ്നങ്ങളിൽ ഇടപെട്ട് നീണ്ടൂർ ഗ്രാമപഞ്ചായത്ത് ആറാം വാർഡ് അംഗം അന്നമ്മ സജി. വാർഡിലെ പ്രധാന പാതയായ ഓണംതുരുത്ത് – ഏറ്റുമാനൂർ റോഡരികിൽ കാടുമൂടി യാത്രക്കാർക്കും വാഹനങ്ങൾക്കും തടസ്സമായ ഭാഗം വെട്ടിത്തെളിക്കാൻ അന്നമ്മ സജി നേരിട്ട് നേതൃത്വം നൽകി.
റോഡിന്റെ വശങ്ങളിൽ കാട് വളർന്നുനിന്നത് കാൽനടയാത്രക്കാർക്കും ഡ്രൈവർമാർക്കും കാഴ്ച മറയ്ക്കുകയും അപകടഭീഷണി ഉയർത്തുകയും ചെയ്തിരുന്നു. ഈ പരാതി ശ്രദ്ധയിൽപ്പെട്ടതോടെ യുഡിഎഫ് പ്രവർത്തകരെയും കൂട്ടി മെമ്പർ ശുചീകരണത്തിന് ഇറങ്ങുകയായിരുന്നു. മികച്ച ജനപ്രതിനിധിയായി വാർഡിന്റെ വികസനത്തിനും സുരക്ഷയ്ക്കും മുൻഗണന നൽകുമെന്ന് പ്രവർത്തനങ്ങൾക്ക് നേതൃത്വം നൽകിക്കൊണ്ട് അന്നമ്മ സജി പറഞ്ഞു.
