എറണാകുളം : കേരളോത്സവത്തിലെ സാംസ്കാരിക ഘോഷയാത്രയിൽ വിവാദമായി മുസ്ലിം വിരുദ്ധ ടാബ്ലോ. മുസ്ലിംകളെ പ്രതിസ്ഥാനത്ത് നിർത്തുന്ന രീതിയിലാണ് ടാംബ്ലോ അവതരിപ്പിച്ചിരിക്കുന്നത്. ശൈശവവിവാഹത്തിനെതിരായ ടാബ്ലോയിൽ തൊപ്പിയിട്ട കുറച്ച് പ്രായം ചെന്ന ഒരു മുസ്ലിയാരും തട്ടമിട്ട ഒരു ചെറിയ പെൺകുട്ടിയും കൈപിടിച്ചിരിക്കുന്നതായി കാണാം . ഇതാണ് ഇപ്പോൾ വിമർശനങ്ങൾക്കു വഴി വെച്ചിരിക്കുന്നത്.
ഇതേതുടർന്ന് കോതമംഗലത്ത് യുഡിവൈഎഫ് പ്രതിഷേധിച്ചിരുന്നു. സംഘപരിവാറുകൾക്ക് പ്രോത്സാഹനം നൽകുന്നതാണ് ടാബ്ലോയെന്നും തയ്യാറാക്കിയവർക്കെതിരെ നടപടി വേണമെന്നും പ്രതിഷേധക്കാർ ആവശ്യപ്പെട്ടു. കൂടാതെ പ്രതിഷേധത്തിന്റെ ഭാഗമായി യുവജന കമ്മീഷൻ വൈസ് ചെയർമാന്റെ കോലവും കത്തിച്ചിരുന്നു . സംസ്ഥാന യുവജനക്ഷേമ ബോർഡാണ് കോതമംഗലത്ത് നടക്കുന്ന കേരളോത്സവത്തിന്റെ സംഘാടകർ.
