കോട്ടയം: കുമ്മനത്ത് മൂന്നു മാസം പ്രായമുള്ള ആണ്കുഞ്ഞിനെ വില്ക്കാന് ശ്രമം. അരലക്ഷം രൂപയ്ക്കാണ് കുട്ടിയെ വില്ക്കാന് ശ്രമിച്ചത് ഇതര സംസ്ഥാന തൊഴിലാളികളായ ദമ്പതികളുടെ കുട്ടിയെയാണ് വില്ക്കാന് ശ്രമം നടന്നത്.
കുട്ടിയെ വാങ്ങാന് എത്തിയവര്ക്കായി അന്വേഷണം ഊര്ജിതമാക്കി.ഉച്ചയോടുകൂടിയാണ് സംഭവം നടക്കുന്നത്. നാട്ടുകാരുടെ പരാതിയെ തുടര്ന്നായിരുന്നു നടപടി.
സംഭവത്തില് കുട്ടിയുടെ അച്ഛന് അടക്കം 3 പേരെയാണ് പൊലീസ് കസ്റ്റഡിയിലെടുത്തത്.
അമ്മയുടെ എതിര്പ്പ് വകവെക്കാതെയാണ് കുട്ടിയെ വില്ക്കാന് ശ്രമിച്ചത്. ഒരു അസം സ്വദേശിയും രണ്ട് യുപി സ്വദേശിയുമാണ് കസ്റ്റഡിയില്.
അസം സ്വദേശികളായ ദമ്പതികളുടെ കുട്ടിയെയാണ് വില്ക്കാന് ശ്രമിച്ചത്. രണ്ട് കുട്ടികള് ഉണ്ടായിരുന്നു.
ഇതില് ഒരു കുട്ടിയെയാണ് വില്ക്കാന് ശ്രമിച്ചത്. മറ്റൊരു ഇതര സംസ്ഥാനക്കാരാണ് കുട്ടിയെ വാങ്ങാന് എത്തിയത്.
കസ്റ്റഡിയിലെടുത്തവരെ വിശദമായി ചോദ്യം ചെയ്ത് വരികയാണ്. കുട്ടിയെ എന്തിനാണ് വില്ക്കാന് തീരുമാനിച്ചതെന്ന് വ്യക്തമായിട്ടില്ല. സംഭവത്തില് പൊലീസ് വിശദമായ അന്വേഷണം ആരംഭിച്ചിട്ടുണ്ട്്.
