കണ്ണൂർ: പട്ടികജാതി- പട്ടികവർഗ വിഭാഗത്തിൽപ്പെട്ട കായിക മികവുള്ള വിദ്യാർത്ഥികൾക്കായി അയ്യൻകാളി മെമ്മോറിയൽ ഗവ. മോഡൽ റസിഡൻഷ്യൽ സ്പോർട്സ് സ്കൂളിൽ പ്രവേശനത്തിന് അവസരം. 5, 11 ക്ലാസുകളിലേക്കും, നിലവിൽ ഒഴിവുള്ള 6, 7, 8, 9 ക്ലാസുകളിലേക്കുമുള്ള സെലക്ഷൻ ട്രയൽ നാളെ (ഫെബ്രുവരി 3) കണ്ണൂരിൽ നടക്കും.കണ്ണൂർ സെൻട്രൽ ജയിൽ ഗ്രൗണ്ടിൽ രാവിലെ 8 മണി മുതലാണ് ട്രയലുകൾ ആരംഭിക്കുന്നത്. തിരഞ്ഞെടുക്കപ്പെടുന്ന വിദ്യാർത്ഥികൾക്ക് മികച്ച കായിക പരിശീലനവും വിദ്യാഭ്യാസവും സർക്കാർ ഉറപ്പുവരുത്തും.




