ആകർഷകമായ രൂപവും കരുത്തുറ്റ എഞ്ചിനും സജ്ജീകരിച്ചിരിക്കുന്ന ഈ പുതിയ ബജാജ് പൾസർ RS 200 പുറത്തിറക്കി. ജനപ്രിയ ഇരുചക്ര വാഹന ബ്രാൻഡായ ബജാജ് ഓട്ടോ അതിൻ്റെ പ്രശസ്തമായ മോഡലായ ‘പൾസർ RS200’ അപ്ഡേറ്റ് ചെയ്ത് പൂർണ്ണമായും പുതിയ രൂപത്തിലാണ് ഈ ബൈക്കിനെ പുറത്തിറക്കിയിരിക്കുന്നത്.
കമ്പനിയുടെ പോർട്ട്ഫോളിയോയിലെ 200 സിസി എഞ്ചിനുമായി വരുന്ന ഒരേയൊരു ഫുൾ ഫെയർഡ് ബൈക്കാണിത്. പുതിയ ബജാജ് പൾസർ RS 200 ൻ്റെ പ്രാരംഭ എക്സ്-ഷോറൂം വില 1.84 ലക്ഷം രൂപയാണ്. 2015 ൽ ആണ് പൾസർ RS200 ആദ്യമായി കമ്പനി അവതരിപ്പിച്ചത്. പൾസർ കുടുംബത്തിലെ മറ്റ് മോഡലുകളിൽ നിന്ന് തികച്ചും വ്യത്യസ്തമായ ഈ ബൈക്കിൽ നിരവധി അത്യാധുനിക ഘടകങ്ങൾ ഉൾപ്പെടുത്തിയിട്ടുണ്ട്.
പുതിയ പൾസറിന്റെ ഡിസൈൻ 2025 ബജാജ് പൾസർ RS200 മുമ്പത്തെ മോഡലിന് സമാനമാണ്. അതിൻ്റെ ഡിസൈൻ ഘടകങ്ങളിൽ ഭൂരിഭാഗവും നിലനിർത്തിയിട്ടുണ്ട്. ഇതിന് ഇരട്ട-പ്രൊജക്ടർ LED ഹെഡ്ലാമ്പ് സജ്ജീകരണമുണ്ട്, അത് ബ്രൗൺ നിറമുള്ള ഡേ ടൈം റണ്ണിംഗ് ലൈറ്റുകൾ (DRLs) കൊണ്ടാണ് അലങ്കരിച്ചിരിക്കുന്നത്. ഒരു വിൻഡ്ഷീൽഡും ഇതിന് മുകളിൽ ലഭ്യമാണ്. അത് അതിൻ്റെ സ്പോട്ടി ലുക്ക് ഉറപ്പാക്കുന്നു. ഹെഡ്ലാമ്പ് ക്ലസ്റ്ററിൽ സൈഡ് മിററുകളും കമ്പനി നൽകിയിട്ടുണ്ട്. ബൈക്കിൻ്റെ ഫെയറിംഗിൽ ഷാർപ്പ് ലൈനുകൾ കൊടുത്തിട്ടുണ്ട്, ഇത് അൽപ്പം അഗ്രസീവ് ലുക്കിന് സഹായമാകുന്നു. ഇത് കൂടാതെ, ഒരു പുതിയ അപ്ഡേറ്റ് എന്ന നിലയിൽ, അതിൽ പുതിയ ഗ്രാഫിക്സും കമ്പനി ചേർത്തിട്ടുണ്ട്.എൽസിഡി പാനൽ പുതിയ പൾസർ RS200ൽ കമ്പനി ഉൾപ്പെടുത്തിയിട്ടുണ്ട്. ഇത് അതിൻ്റെ ഇൻസ്ട്രുമെൻ്റ് ക്ലസ്റ്ററായി ഉപയോഗിക്കുന്നു.
ബ്ലൂടൂത്ത് കണക്റ്റിവിറ്റിയും ഇത് പിന്തുണയ്ക്കുന്നു എന്നതാണ് മറ്റൊരു പ്രത്യേകത. ഇതുമൂലം ഉപയോക്താവിന് SMS അലേർട്ടുകൾ, ഗിയർ സൂചകങ്ങൾ, ടേൺ-ബൈ-ടേൺ നാവിഗേഷൻ എന്നിവയെക്കുറിച്ചുള്ള വിവരങ്ങൾ തുടർന്നും ലഭ്യമാകും. ഈ ബൈക്കിന് ആകർഷകത്വം നൽകുന്നതിനായി റെയിൻ, ഓഫ് റോഡ്, റോഡ് എന്നിവ ഉൾപ്പെടുന്ന മൂന്ന് റൈഡിംഗ് മോഡുകളും ഇതിൽ ഉൾപ്പെടുത്തിയിട്ടുണ്ട്.എന്നാൽ ബൈക്കിൻ്റെ എൻജിൻ മെക്കാനിസത്തിൽ ബജാജ് മാറ്റങ്ങളൊന്നും വരുത്തിയിട്ടില്ല. മുമ്പത്തെപ്പോലെ, 200 സിസി ലിക്വിഡ് കൂൾഡ് സിംഗിൾ സിലിണ്ടർ എഞ്ചിനിലാണ് ഈ ബൈക്ക് എത്തുന്നത്. ഈ എഞ്ചിൻ 24 എച്ച്പി കരുത്തും 18.74 ന്യൂട്ടൺ മീറ്റർ ടോർക്കും സൃഷ്ടിക്കുന്നു. ഈ എഞ്ചിൻ 6-സ്പീഡ് ട്രാൻസ്മിഷൻ ഗിയർബോക്സുമായി ഘടിപ്പിച്ചിരിക്കുന്നു, ഇത് മൾട്ടി-പ്ലേറ്റ് ക്ലച്ച് സിസ്റ്റവുമായി വരുന്നു.
കൂടാതെ, സുഗമമായ ഗിയർ ഷിഫ്റ്റിംഗിനായി അസിസ്റ്റും സ്ലിപ്പർ ക്ലച്ച് ഫംഗ്ഷനും മറ്റൊരു പ്രത്യേകതയാണ്.ആൻ്റി ഫ്രിക്ഷൻ ബുഷിനൊപ്പം വരുന്ന ടെലിസ്കോപിക് ഫോർക്ക് സസ്പെൻഷനാണ് പൾസർ RS200 ൻ്റെ മുൻവശത്തായി കമ്പനി നൽകിയിരിക്കുന്നത്. കൂടാതെ പിൻഭാഗത്തായി നൈട്രോക്സ് മോണോ ഷോക്ക് ഒബ്സർവർ സസ്പെൻഷൻ നൽകിയിട്ടുണ്ട്. മുന്നിൽ 300 എംഎം ഡിസ്ക് ബ്രേക്കും പിന്നിൽ 230 എംഎം ഡിസ്ക് ബ്രേക്കും നൽകിയിട്ടുണ്ട്. 17 ഇഞ്ച് വീലാണ് ഈ ബൈക്കിലുള്ളത്. മൊത്തം മൂന്ന് നിറങ്ങളിൽ വിൽപ്പനയ്ക്ക് ലഭ്യമാണ്. ഇതിൽ ഗ്ലോസി റേസിംഗ് റെഡ്, പേൾ മെറ്റാലിക് വൈറ്റ്, ആക്ടീവ് സാറ്റിൻ ബ്ലാക്ക് നിറങ്ങൾ ഉൾപ്പെടുന്നു. ഡ്യുവൽ-ചാനൽ ആൻ്റി-ലോക്ക് ബ്രേക്കിംഗ് സിസ്റ്റം (എബിഎസ്)എന്നിവ ഉൾപ്പെടുന്നു.
