പെര്‍ത്ത്: ബോര്‍ഡര്‍-ഗവാസ്‌കര്‍ ട്രോഫിയിലെ ആദ്യ ടെസ്റ്റില്‍ ഇന്ത്യക്ക് 295 റണ്‍സിന് ജയം. 534 റണ്‍സ് വിജയലക്ഷ്യം പിന്തുടര്‍ന്ന ഓസ്ട്രേലിയ രണ്ടാം ഇന്നിംഗ്‌സില്‍ 238 റണ്‍സിന് തോൽവി സമ്മതിച്ചു. മൂന്ന് വിക്കറ്റ് വീതം വീഴ്ത്തി ജസ്പ്രിത് ബുമ്ര, മുഹമ്മദ് സിറാജ് എന്നിവർ ഇന്ത്യയുടെ ജയത്തിന് വഴിയൊരുക്കി.

ജയത്തോടെ അഞ്ച് മത്സരങ്ങളുടെ പരമ്പരയില്‍ ഇന്ത്യ മുന്നിലെത്തി. രണ്ടാം ടെസ്റ്റ് ഡിസംബര്‍ ആറിന് അഡ്‌ലെയ്ഡില്‍ നടക്കും. ഡേ-നൈറ്റ് ടെസ്റ്റാണ് അഡ്‌ലെയ്ഡിലേത്. ആദ്യ ഇന്നിംഗ്‌സില്‍ ഇന്ത്യയുടെ 150 റൺസിനെതിരെ 104 റൺസിൽ ഓസ്ട്രേലിയയുടെ എല്ലാവരും പുറത്തായിരുന്നു.