കൊച്ചി: ബിഎസ്എൻഎൽ ഒരു രൂപയ്ക്ക് പരിധിയില്ലാത്ത വോയ്സ്കോളും 4ജി ഡാറ്റയും വാഗ്ദാനം ചെയ്യുന്ന പ്രമോഷണൽ ഫ്രീഡം ഓഫർ അവതരിപ്പിച്ചു. ഓഫറിൽ പുതിയ സിം കണക്ഷൻ എടുക്കുന്നവർക്ക് അൺലിമിറ്റഡ് ലോക്കൽ – നാഷണൽ വോയ്സ് കോളുകൾ, ദിവസേന 100 എസ്എംഎസ്, ദിവസേന 2ജിബി 4ജി ഡാറ്റ എന്നിവ ലഭിക്കും.
പ്രതിദിന ഡാറ്റാപരിധി കഴിഞ്ഞാൽ ഡാറ്റാ വേഗം 40 കെബിപിഎസിലേക്കു ചുരുങ്ങും. പുതിയ ഉപഭോക്താക്കൾക്കു മാത്രമാണ് ഓഫർ ലഭിക്കുക. ഈ മാസം 31 വരെയാണ് ഓഫർ കാലാവധി. ബിഎസ്എൻഎൽ ഉപഭോക്താക്കളുടെ എണ്ണം വർധിപ്പിക്കാനുള്ള ലക്ഷ്യത്തിന്റെ ഭാഗമായാണ് പുതിയ ഓഫർ.
