കണ്ണൂര്: കണ്ണൂര് മട്ടന്നൂരില് ഓടിക്കൊണ്ടിരുന്ന ബസില് നിന്ന് യാത്രക്കാരന് തെറിച്ചു വീണു. കര്ണാടക ദിണ്ടിഗല് സ്വദേശിയായ രംഗരാജനാണ് അപകടത്തില്പെട്ടത്. ഗുരുതരപരിക്കുകളോടെ രംഗരാജനെ ആശുപത്രിയില് പ്രവേശിപ്പിച്ചു. മൈസൂരുവില് നിന്ന് തലശ്ശേരിയിലേക്ക് വന്ന ബസില് നിന്നാണ് ഇയാള് റോഡിലേക്ക് തെറിച്ചുവീണത്. അപകടം സംഭവിച്ചിട്ടും നിര്ത്താതെ പോയ ബസ് നാട്ടുകാര് തടഞ്ഞുവെയ്ക്കുകയായിരുന്നു. മട്ടന്നൂര് തെരുവമ്പായി പാലത്തിന് സമീപം ഇന്ന് രാവിലെയാണ് സംഭവം നടന്നത്.
അതേസമയം അപകടമുണ്ടായിട്ടും യാത്രക്കാരനെ സഹായിക്കാനോ രക്ഷപ്പെടുത്താനോ ഉള്ള ശ്രമം ബസ് ജീവനക്കാരുടെ ഭാഗത്തു നിന്നും ഉണ്ടായില്ല. സംഭവ സ്ഥലത്ത് നിന്ന് കടന്നുകളയാനായിരുന്നു ഇവരുടെ ശ്രമം. സംഭവം ശ്രദ്ധയില്പെട്ട നാട്ടുകാരാണ് ബസ് തടഞ്ഞുനിര്ത്തി, പരിക്കേറ്റ രംഗരാജനെ കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ചത്. അതേ സമയം ഇയാള് എങ്ങനെയാണ് ബസിനുള്ളില് നിന്നും തെറിച്ചുവീണത് എന്ന കാര്യത്തില് വ്യക്തതയില്ല. മുഖത്തും കൈകള്ക്കും ഗുരുതരമായി പരിക്കേറ്റിട്ടുണ്ട്. ബസ് നാട്ടുകാര് പൊലീസില് ഏല്പിച്ചിരിക്കുകയാണ്.
