തിരുവനന്തപുരം:ആര് എല് വി രാമകൃഷ്ണനെ അധിക്ഷേപിച്ചെന്ന കേസില് നൃത്താധ്യാപിക സത്യഭാമയുടെ മുന്കൂര് ജാമ്യാപേക്ഷ കോടതി തള്ളി.കേരള ഹൈക്കോടതിയാണ് മുന്കൂര് ജാമ്യം തള്ളിയത്.ഒരാഴ്ചയ്ക്കുള്ളില് നെടുമങ്ങാട് അഡീഷണല് സെഷന്സ് കോടതിയില് കീഴടങ്ങണമെന്നും നിര്ദേശമുണ്ട്. നെടുമങ്ങാട് അഡീഷണല് സെഷന്സ് കോടതിയില് ഹാജറാകുന്ന ദിവസം തന്നെ സത്യഭാമയുടെ ജാമ്യാപേക്ഷ നെടുമങ്ങാട് കോടതി പരിഗണിക്കണമെന്നും ഹൈക്കോടതി പ്രസ്താവിച്ചു.
നേരത്തെ കേസ് പരിഗണിച്ച നെടുമങ്ങാട് പട്ടിക ജാതി – പട്ടിക വര്ഗ പ്രത്യേക കോടതി മുന്കൂര് ജാമ്യം തള്ളിയിരുന്നു. ജാതി അധിക്ഷേപത്തില് തിരുവനന്തപുരം കന്റോണ്മെന്റ് പൊലീസ് രജിസ്റ്റര് ചെയ്ത കേസിലാണ് നടപടി.ഒരു യൂട്യൂബ് ചാനലിന് നല്കിയ അഭിമുഖത്തിലാണ് കലാമണ്ഡലം സത്യഭാമ ഡോ ആര്എല്വി രാമകൃഷ്ണനെതിരെ ജാതി അധിക്ഷേപം നടത്തിയത്.പിന്നാലെ, ആരോപണം തനിക്കെതിരെയാണെന്ന് വ്യക്തമാക്കി ആര്എല്വി രാമകൃഷ്ണന് രംഗത്തെത്തുകയായിരുന്നു.
