മലപ്പുറം: പൊതുമരാമത്ത് പ്രവൃത്തികൾ നിയമങ്ങൾ പാലിച്ചാണോ നടക്കുന്നത് എന്ന് പരിശോധിക്കാൻ പൊതുജന സമിതിക്ക് ഔദ്യോഗിക അനുമതി. വിവരാവകാശ നിയമത്തിലെ സെക്ഷൻ 2 (ജെ) (i) പ്രകാരമുള്ള അധികാരം വിനിയോഗിച്ച് ഏത് പൊതു പ്രവൃത്തിയുടെയും രേഖകളും നിർമ്മാണ രീതിയും നേരിട്ട് പരിശോധിക്കാൻ പൗരന്മാർക്ക് അവസരം ലഭിക്കുന്നത് മലപ്പുറം ജില്ലയിൽ ഇതാദ്യമായാണ്. കൊണ്ടോട്ടി ചേലേമ്പ്രയിലെ ‘നേരൊച്ച’ സാമൂഹിക പ്രതികരണ വേദിക്കാണ് ജല അതോറിറ്റിയിൽ നിന്ന് ഇത്തരമൊരു സുപ്രധാന ഉത്തരവ് ലഭിച്ചത്. ജലജീവൻ മിഷൻ പദ്ധതിക്കായി കുഴിച്ച ചേലേമ്പ്ര പഞ്ചായത്തിലെ ചേലൂപ്പാടം-പൈങ്ങോട്ടൂർ-ആലങ്ങോട്ടുചിറ […]