മലപ്പുറം: മഞ്ചേരി ഗവ. ആശുപത്രികളിൽ സർക്കാർഅടിയന്തരമായി ചികിത്സാസൗകര്യങ്ങൾ ഒരുക്കണമെന്ന് മനുഷ്യാവകാശ കമ്മിഷൻ. അടിസ്ഥാനസൗകര്യങ്ങളില്ലാത്തതിനാൽ മഞ്ചേരി മെഡിക്കൽകോളേജിലെത്തുന്ന രോഗികൾ അനുഭവിക്കുന്ന ബുദ്ധിമുട്ടുകൾ ചൂണ്ടിക്കാട്ടി മഞ്ചേരി എലമ്പ്ര തേനത്ത് മുഹമ്മദ് ഫൈസി നൽകിയ പരാതി പരിഗണിച്ചാണ് മനുഷ്യാവകാശ കമ്മിഷൻ ജുഡീഷ്യൽ അംഗം കെ. ബൈജുനാഥ് ഈ നിർദേശം നൽകിയത്. പൊതുജനാരോഗ്യം ഭരണഘടനാപരമായ അവകാശമാണെന്നും സാധാരണ ജനങ്ങൾ ആശ്രയിക്കുന്ന സർക്കാർ ആശുപത്രികളിൽ മതിയായ ചികിത്സാസൗകര്യവും ഡോക്ട‌ർമാരുടെയും നഴ്‌സുമാരുടെയും പരാമെഡിക്കൽ ജീവനക്കാരുടെയും സേവനങ്ങളും മരുന്നുകളും ഉപകരണങ്ങളും ഉറപ്പാക്കലും സർക്കാരിന്റെ ഉത്തരവാദിത്വമാണെന്നും കമ്മിഷൻ വ്യക്തമാക്കി. […]