കോഴിക്കോട്: കുറ്റ്യാടിയിൽ നടന്ന അക്യുപങ്ചർ ക്യാമ്പിൽ സംഘർഷം. അക്യുഷ് അക്യുപങ്ചർ എന്ന സ്ഥാപനം സംഘടിപ്പിച്ച ക്യാമ്പിലേക്കാണ് അതിക്രമിച്ച് കയറി ആക്രമണം നടത്തിയത്. സംഭവത്തിൽ പേരാമ്പ്ര സ്വദേശിനി ഫെമിനക്ക് പരിക്കേറ്റു. ക്യാമ്പ് സംഘാടകർ നൽകിയ പരാതിയെ തുടര്‍ന്ന് പൊലീസ് കേസ് രജിസ്റ്റർ ചെയ്തിട്ടുണ്ട്. നേരത്തെ കുറ്റ്യാടിയിൽ അക്യുപങ്ചർ ചികിത്സയിലെ പിഴവിനെ തുടർന്ന് യുവതി മരിച്ചതായി ആരോപണം ഉയർന്നിരുന്നു. ആ യുവതിയുടെ ബന്ധുക്കളാണ് ആക്രമണത്തിന് പിന്നിലെന്നാണ് പ്രാഥമിക വിവരം.

കോഴിക്കോട്: താമരശ്ശേരി അമ്പായത്തോട്ടിലുള്ള ഫ്രഷ് കട്ട് അറവ് മാലിന്യസംസ്‌കരണ പ്ലാന്‍റിന്റെ പ്രവര്‍ത്തനം ഭാഗികമായി പുനരാരംഭിച്ചു. കഴിഞ്ഞ ദിവസങ്ങളിലെ സംഘർഷത്തെ തുടർന്ന് അടഞ്ഞുകിടന്ന പ്ലാന്റ്, പൊലീസ് സുരക്ഷയില്‍ നിയന്ത്രിതമായി പ്രവര്‍ത്തനം തുടങ്ങി. ഹൈക്കോടതി കഴിഞ്ഞ ദിവസം പ്ലാന്റിന്റെ പ്രവര്‍ത്തനത്തിന് അനുമതി നല്‍കിയിരുന്നു. നിരോധനാജ്ഞ നവംബര്‍ 13 വരെ ദീർഘിപ്പിച്ചിരിക്കുകയാണ്. 163-ാം വകുപ്പ് പ്രകാരം പ്ലാന്റിന്റെ 300 മീറ്റര്‍ ചുറ്റളവ്, പ്ലാന്റിനും അമ്പായത്തോടിനും ഇടയിലുള്ള റോഡിന്റെ ഇരുവശത്തുള്ള 50 മീറ്റര്‍ പ്രദേശം, അമ്പായത്തോട് ജങ്ഷന്‍ ചുറ്റളവ് 100 മീറ്റര്‍ എന്നിവിടങ്ങളില്‍ […]