കോഴിക്കോട്: കോഴിക്കോട് കെഎസ്ആർടിസി ബസ് സ്റ്റാൻഡിൽ സീലിംഗ് അടർന്ന് വീണ് രണ്ട് യാത്രക്കാർക്ക് പരിക്ക്. ഇന്ന് പുലർച്ചെയായിരുന്നു സംഭവം. ബസ് കാത്തുനിൽക്കുന്ന യാത്രക്കാർക്കായി ഒരുക്കിയിരുന്ന ഇരിപ്പിടത്തിന് മുകളിലെ സീലിംഗാണ് പെട്ടെന്ന് അടർന്ന് വീണത്. യാത്രക്കാർ കസേരയിൽ ഇരിക്കുമ്പോഴായിരുന്നു അപകടം ഉണ്ടായത്.
അപകടത്തിൽ കായംകുളം സ്വദേശിയായ മധുവിനും മാനന്തവാടി സ്വദേശിയായ അജിത്തിനും പരിക്കേറ്റു. ഇരുവരെയും ഉടൻ ചികിത്സയ്ക്കായി ആശുപത്രിയിലേക്ക് മാറ്റി. അപകടത്തിന്റെ കാരണം സംബന്ധിച്ച് കൂടുതൽ പരിശോധനകൾ നടത്തിവരികയാണ്.
