ന്യൂഡല്ഹി: ഡല്ഹി മുന് മുഖ്യമന്ത്രി അരവിന്ദ് കെജ്രിവാളിന്റെ ആഡംബര വസതിയുമായി ബന്ധപ്പെട്ട പരാതികളില് സെന്ട്രല് വിജിലന്സ് കമ്മീഷന് അന്വേഷണത്തിന് ഉത്തരവിട്ടു. കേന്ദ്ര പൊതുമരാമത്ത് വകുപ്പിനോട് വിശദ അന്വേഷണം നടത്തി റിപ്പോര്ട്ട് നല്കാനാണ് സെന്ട്രല് വിജിലന്സ് കമ്മീഷന് ആവശ്യപ്പെട്ടിരിക്കുന്നത്. തലസ്ഥാനത്തെ എ എ പിയുടെ തെരഞ്ഞെടുപ്പ് പരാജയത്തിന് പിന്നാലെയാണ് അന്വേഷണത്തിന് ഉത്തരവിട്ടത്.
നാല്പ്പതിനായിരം സ്ക്വയര്ഫീറ്റില് 8 ഏക്കറിലായി നിര്മ്മിച്ച വസതി ആഡംബര വസ്തുക്കളുപയോഗിച്ച് നവീകരിച്ചതിലാണ് അന്വേഷണം നടക്കുക. ഡല്ഹി പ്രതിപക്ഷ നേതാവായിരുന്ന വിജേന്ദര് ഗുപ്ത അന്വേഷണം ആവശ്യപ്പെട്ട് പരാതി നല്കിയിരുന്നു. ഈ പരാതിയിലാണ് ഇപ്പോള് സെന്ട്രല് വിജിലന്സ് കമ്മീഷന് അന്വേഷണത്തിന് ഉത്തരവിട്ടത്.
