ഇന്ത്യന് പ്രീമിയര് ലീഗിലെ ആശ്വാസ ജയം തേടി ചെന്നൈ സൂപ്പര് കിങ്സും പഞ്ചാബ് കിങ്സും ഇന്ന് കളത്തിലിറങ്ങും. ചെന്നൈയില് രാത്രി ഏഴരയ്ക്കാണ് മത്സരം. തുടര്ച്ചയായ പരാജയങ്ങളില് നിന്ന് കരകയറാന് ചെന്നൈക്കും പ്ലേ ഓഫ് ലക്ഷ്യമിടുന്ന പഞ്ചാബിനും ഇന്നത്തെ മത്സരം നിർണായകമാണ്. നഷ്ടപ്പെടാൻ ഒന്നും ഇല്ലാത്ത അവസ്ഥയിലാണ് നിലവിൽ ചെന്നൈയും പഞ്ചാബും.
ഒരു പോയിന്റ് നഷ്ടം പോലും വലിയ തിരിച്ചടികളാണെന്ന കണക്കുകൂട്ടലിൽ ആണ് പഞ്ചാബ് . ചെന്നൈക്ക് നാലും പഞ്ചാബിന് പതിനൊന്നും പോയിന്റ് വീതമാണുള്ളത്. പഞ്ചാബിന്റെ ലക്ഷ്യം പ്ലേ ഓഫ് ആണ്. ചെന്നൈയുടെ ഇപ്പോഴുള്ള അവസ്ഥയില് പഞ്ചാബിന് വിജയിക്കാനാകുമെന്ന തോന്നലുണ്ടെങ്കിലും എല്ലാം മറന്നുപൊരുതുന്ന ചെന്നൈ ആണ് കളത്തിലിറങ്ങുന്നതെങ്കിൽ പഞ്ചാബിന് വിജയം അത്ര എളുപ്പമാകില്ല.
